बिछान्यावर टेकायला गेलो तरी पाटी काही डोक्यातना जाईना. शहानिशा करणं जरुरी भासू लागलं. आपण नोंदणी केली नाही म्हणून काय झालं, उगाच कुणाची फ़सवणूक नकॊ व्ह्यायला, काय?
सकाळी उठून कामावर न जाता घटनास्थळी गेलो आणि मग खरीखुरी बातमी हाती लागली. आनंदाच्य भरात सगळे समोरुन पाटी पाहून गेले. पाटीमागील पाटी कुणीच पाहिली नव्हती. तुमच्यासाठी पाटीमागील मजकूर खाली देत आहे.
सूचना:
- नोंदणी कूपन हरवल्यास आम्ही जबाबदार नाही. अशा स्थितीत मिसळ मिळणार नाही
- फाटक्या, ओलेत्या कूपनवर मिसळ मिळणार नाही
- एका मिसळवर एकच मिसळ मोफत मिळेल. मोफत मिळालेल्या मिसळवर मोफत मिसळ मागून स्वत:ची अक्कल दाखवू नये
- अतिरिक्त पाव मोफत मिळणार नाही
- एक मिसळ एकालाच खाता येईल. ही अट फुकटच्या मिसळवर पण लागू राहील
- कामशिवाय बसता येणार नाही. मिसळ कमीतकमी वेळेत खाउन इतरांना संधी द्या
- मोफत मिसळ फक्त ३१ मार्चलाच मिळेल तसेच हॉटेलची वेळ संपल्यावर ऑफर संपेल
- इतरांनी हळू मिसळ खाउन वेळ दवडल्यास आम्ही जबाबदार नाही
- पाकिस्तान जिंकल्यास पैसे परत मिळणार नाहीत
टिव्हीवरील अर्धवट बातम्यांवर विश्वास ठेवू नये हेच खरं असं म्हणत कामाला लागलो.
--------------------------------------------------------------------------------------------
टिपेची पाटी:
- वरील पोस्त काल्पनिक आहे. उगाच खरी मानू नये
